Berikut adalah tulisan pancingan. Nah lo, kok pancingan. La iya lah, masak la iya dong. Ini sekedar mancing yang punya rumah supaya mau nulis. Sekali nulis diupah mimik cucu. Cucu api (maksud ane susu sapi, getho loh). Habis nyang namenye nulis kadang gampang kadang susah. Kadang susah susah gampang, kadang gampang gampang susah. Yang pasti jaman sekarang jaman ngeblog. Inget ngeBLOG. Ane tulis pakek huruf kapital B L O G. Supaye ente gak salah ngarti. Ntar dibilang ngeblok atau maen di tanah lempung ber-aer yang lazim disebut blok. Betawi taon jebot dulu masih banyak tanah lapang yang kalo turun ujan tane-nye jadi lepek. Nah kalo kite jalan pake sendal jepang pasti bawa tane tebel. Tane (bahasa Indonesianye : tanah) itu disebut juga blok. Jadi ude paham?
Nah sekarang jadi kebutuhan buat nulis apaan aje, boleh serius boleh kagak ke dalam blog di internet. Yang pasti jaman enyak-babe kite belum ade tuh nyang namenye internet. Ade juga INdomIe TElor koRNET. Kalo disngkat juga internet artinye, tapi maknenye jauh, kayak Pamulang-Jakarte.
Kalo getho kite tunggu aje tulisan Bang Cibull berikutnye. Silakan bang Cibull…
Isacibull's Weblog 